Шинэ хорооллын 27-р байрны ард байрлах авто замд нөхөн сэргээлтийн ажлыг хийж гүйцэтгэлээ

Шинэ хорооллын 27-р байрны ард инженерийн шугам сүлжээний засвартай холбоотойгоор эвдэрсэн авто зам, авто замын хашлагийн нөхөн сэргээлтийн ажлыг хийж гүйцэтгэлээ.

“Дархан-Ус Суваг” ХК нь “Дархан орон нутгийн зам, тээвэр” ОНӨААТҮГ-тай байгуулсан гэрээний хүрээнд 2025 оны 5 дугаар сарын 26, 27-ны өдрүүдэд тус авто замд үүссэн засварын ажил, авто замын хашлага шинээр суулгах, авто замын хөвөөний нягтруулалтын ажлыг технологийн дагуу хийж дуусгалаа.

Тус компани нь инженерийн шугам сүлжээний засвар, шинэчлэлтийн ажлын явцад эвдэрч, ашиглалтад сөргөөр нөлөөлсөн хэсгүүдэд тогтмол нөхөн сэргээлтийн ажил хийж хэвийн ашиглалтыг хангахыг зорин ажилладаг болно.