Онцгой мэдээЦаг Үеийн Мэдээ
“Дархан-Ус Суваг” ХК-д зочлон туршлага судаллаа

2025 оны 11-р сарын 12-ны өдөр “Дархан-Ус Суваг” ХК-ийн үйл ажиллагаатай танилцаж, туршлага судлахаар “Эрдэнэт-Ус”ДТС ОНӨХК-ийн хамт олон айлчиллаа.
Айлчлалын үеэр “Дархан-Ус Суваг” ХК-ийн Ерөнхий инженер Т.Буяндэлгэр байгууллагын бүтэц, ус хангамжийн үйл ажиллагаа, техник технологийн шинэчлэлт, ухаалаг тоолууржуулалт, мөн компанид хэрэгжиж буй төсөл, хөтөлбөрүүдийн талаар дэлгэрэнгүй танилцуулга болон мэдээлэл өгч ажиллалаа.
Туршлага судлах ажлын хүрээнд хоёр байгууллага хамтын ажиллагаагаа өргөжүүлэх, сайн туршлагыг харилцан хэрэгжүүлэх талаар санал солилцож, цаашдын хөгжил дэвшилдээ чиглэсэн санаачилгыг дэвшүүллээ.
Усан хангамжийн салбарын хөгжилд амжилт бүхний дээдийг хүсье.




