Ажилтнуудыг эрүүл мэндийн өргөтгөсөн үзлэг, шинжилгээнд хамрууллаа.
Дархан-Ус Суваг ХК нь ажилтнуудынхаа эрүүл мэндийг хамгаалах, урьдчилан сэргийлэх зорилгоор Эрүүл мэндийн сайдын 2014 оны 10 дугаар сарын 20-ны өдрийн А/340 тушаалын 2 дугаар хавсралтыг баримтлан жил бүрийн үзлэг шинжилгээг зохион байгуулдаг.
2025 оны 5 дугаар сарын 5-наас 17-ны хооронд тус байгууллагын нийт ажилтнууд “Цээнэ” клиник эмнэлэг дээр өргөтгөсөн эрүүл мэндийн үзлэг, шинжилгээнд хамрагдаж байна. Үзлэгийн хүрээнд 9 төрлийн лабораторийн шинжилгээ, 6 төрлийн нарийн мэргэжлийн эмчийн үзлэг, мөн багажийн 6 төрлийн шинжилгээг хийж байна.
Энэхүү арга хэмжээ нь мэргэжлээс шалтгаалсан өвчлөлийг ангилан илрүүлэх, эрт шатанд оношлох, цаашдын өвчлөлөөс сэргийлэх зорилготой юм. Цаашид ч байгууллага ажилтнуудынхаа эрүүл мэндийг дэмжих, аюулгүй ажиллах орчныг бүрдүүлэх чиглэлээр тогтмол арга хэмжээ авч хэрэгжүүлсээр байх болно.
“Дархан-Ус Суваг”ХК
