Өвөлжилтийн бэлтгэл ажлын явцтай танилцлаа

2025 оны 10-р сарын 16-ны өдөр, Дархан-Уул аймгийн ИТХ-ын дарга А.Янжмаа, төлөөлөгчдийн хамт “Дархан-Ус Суваг” ХК-ийн өвөлжилтийн бэлтгэл ажлын явцтай газар дээр нь танилцлаа.

Ажлын хэсэг “Дархан-Ус Суваг” ХК-ийн Ерөнхий инженер Т.Буяндэлгэр болон алба, хэлтсийн удирдлагуудтай уулзаж санал солилцсон байна.

Тус компани өмнөх оны төлөвлөгөөг өргөтгөн 8 чиглэлээр 22 төрлийн ажил гүйцэтгэхээр төлөвлөснөөс 20 ажил бүрэн хэрэгжиж, 2 ажил үргэлжилж байгаа талаар мэдээлэв.

Ингэснээр нийт 90.4%-ийн гүйцэтгэлтэй, 168 нэр төрлийн 250 сая төгрөгийн аюулгүйн нөөцөө 100% бүрдүүлсэн гэж Ерөнхий инженер Т.Буяндэлгэр танилцууллаа.

Мөн уулзалтын үеэр ундны усны хашаажуулалт, халдваргүйжүүлэлтийн асуудал зэрэг тулгамдсан сэдвүүдийг хэлэлцэж, шийдвэрлэх талаар санал солилцсон байна.

Ажлын хэсэгт аймгийн ИТХ-ын Дарга А.Янжмаа, Хот суурин дэд бүтцийн хөгжлийн хорооны дарга, төлөөлөгч Д.Амгаланбаяр, хорооны гишүүн төлөөлөгч Д.Элдэвсайхан, Л.Тамир, Г.Лхагважаргал, аймгийн Засаг даргын зөвлөх Я.Бат-Очир, Захирагчийн ажлын албаны мэргэжилтэн Д.Ганбаяр, зөвлөх инженер Ч.Батжаргал нар ажиллалаа.

Мөн хурлын ажлын албаны мэргэжилтэн Д.Гантулга, М.Хулан нар оролцсон.

“Дархан-Ус Суваг”ХК