Дархан сумын хөрөнгө оруулалтаар 42 ус түгээх байрны ухаалаг төхөөрөмж шинэчлэгдэж байна

Дархан сумын засаг даргын дэмжлэгтэйгээр нийт 42 ус түгээх байранд ухаалаг төхөөрөмж суурилуулж, шинэчлэлийн ажлыг эхлүүлээд байна. Энэхүү төсөл нь “Дархан-Ус Суваг” ХК-ийн зүгээс 2023 оноос эхлэн удаа дараа тавьсан хүсэлтийн үндсэн дээр хэрэгжиж Европын холбооны хамтарсан санхүүжилтэй Найрамдал төсөл болон Дархан-Уул аймаг Дархан сумын “Орон нутгийн хөгжлийн сан”-ийн хөрөнгө оруулалтаар нийт 250 сая төгрөгийн өртөг бүхий тендер зарлагдсанаар “Ито Софт” ХХК шалгарч, ажлаа эхлүүлээд байгаа юм.

Шинэчлэлтийн хүрээнд эхний ухаалаг төхөөрөмжийг амжилттай суурилуулсан бөгөөд үүний үр дүнд иргэд усаа илүү хүртээмжтэй, хяналттай, аюулгүйгээр авах боломж бүрдэх юм.

Нийт ус түгээх байраар үйлчлүүлэгч иргэдийнхээ өмнөөс уг төслийг дэмжин ажилласанд баярласан талархасанаа илэрхийлж байна

https://dus.mn/wp-content/uploads/2025/06/AQM2NEGTds4NH0MOP6rsTemRuyOAauvG4MJW6mZbibQW9mJJCsXPjrh6gQnxKNGBCfDhnE9u8TT76UUaTks9CIap.mp4